Lyrics
Martir
By: Absrapper
Featuring MALDITA
Intro:
Yeah,
Otro Nuevo talento..
El CaDEna MaEsTrO,
Junto con el MALDITA..
Cancion va dedicado a todos los MaRTiR,
(DRO THE BEAT NOW!)
Si uno man tu de este cancion,
No tu tene juya?
Que porcausa el un martir ta manda mira,
Verdad tu ta ama..
Verse1:
Cuando contigo ya conoce mi vida ya queda pintoresco,
El antes de aton recuerdo na mi Corazon firmi Nuevo.
El mi todo atencion hay contigo ang yo dale,
Na otro no vira cara, mi amor contigo ofrece.
Pero como ya cambia el suplada del viento,
Pasar el cuantos anos yo dar la espalda frio.
Hinde mas tanto ta oi si tiene importante cuento,
Si necesita tu mi tiempo no quiero dar mi hombro.
No hay dia que ta pasa que no hay etu llora,
Yo dolor de cabeza y ta dale lang problema.
Tu no hay abandona y conmigo siempre ta ama,
El amor que tu ya dale, que la ya yo hay rindi gracia?
Ojala hay termina el dolor ya causa yo,
Era encontrar tu hombre no como igual conmigo.
Yo admiti ya a falta y ya causa conusted lagrimas,
Perdona tu conmigo GIRL pero no quiero nada mas!
Chorus:
Masquen yo como estupido,
En frente de maga gente,
Masquen esclavo yo en de tu amor,
Hay aguanta yo..
Masquen lagrimas o sangre pa,
El todo vueta conmigo.
Ama lang yo siempre contigo,
Porcausa Ancina yo, ohhh,
Verse2:
No es verdad el mi promesa contigo lang yo ama?,
Ya cree na mi palabra, contigo lang yo hay casa.
Ya promete contigo todo las cosas yo hay dale,
Y el verdadero amor, dale contigo hasta muerte.
Alegre quita tan junto hinde ta pensa con el dia,
No hay lingasa si tiene problema hay llega.
Que modo yo cuida el de aton dulce relacion?
Solamente yo un gente ya cae na tentacion.
Y no hay yo bueno razon, escapa conestre situacion,
Y pa que la ya yo salva el de aton relacion?
Linda enamorada no hay mas puede observa,
El antes dulce relacion como ya ferde ya el gana.
Todo ya promete no hay ya queda deveraz,
El dulce de tu sueno ya cambia todo lagrimas.
Ya queda pesadilla el aurea maga promesa,
Perdona tu conmigo, que tiene vez ya trampista.
(Repeat Chorus)
(Repeat Chorus half slow)
(Repeat Chorus break)
Verse3:
Puede lang cunta mi dedo el maga dia quita alegre,
Y no puedo comprende que la ya, ya aguanta mi custombre.
Mas que devez en cuando no hay tartar especial,
El mi amor contigo CHICA mas salao pa na sal.
Ta precura hace llvanta el relacion quebrao ya,
Cuando hay realiza?, antes pa quiero termina.
Relacion va puede llama si nostros fero y gato?
No hay mas el calor cada vez sinti tu el mi beso.
A vener el anibersaio etu firmi preparao,
Celebra el de aton ciya y yo firmi atrasao.
Bien amable mujer porque yah ace sinti duele?
Lamentar la perdida tu amor que antes tu ya dale.
Ahora yan consencia, y acepta yo el todo pena.
Recibi de tu palmada, para conmigo perdona.
LO SIENTO palabra contigo ta habla sincero.
Y yo el razon tu Corazon ahora espinado.
(Repeat Chorus)
(Repeat Chorus half slow)
(Repeat Chorus break)
Coda:
Si admiti yo,
Conmigo no hay tu queda alegre,
Ya descuida lang yo el amor que ya dale tu mi CHICA,
Ya manda lang yo esperanza contigo na todo de mi promeso,
Era, perdona tu cionmigo.
**
Ama lang yo siempre contigo,
Porcausa Ancina yo, ohhh.
